Plantun de Prouvènço

Pèr coumpara dos planto d'encò nostre

Carlina acaulis & Grimmia orbicularis

Trevaresso

Carlina acaulis

Asteraceae Compositae

Àutri noum : Oco, Cardouio, Cardarineto, Chardassoun.

Noms en français : Carline acaule, Baromètre.

Descripcioun :
La trevaresso es uno poulido cardinello emé de gràndi flour coumpausado bourdado de bratèio banco e de fueio espinouso. I'a pas pèr s'engana.

Usanço :
Coume tóuti li cardinello, es uno planto manjadisso que s'acampo avans la flouresoun e se manjo coume un cachofle. La racino èro acampado à passa tèms à l'autouno e messo à seca. Es couneigudo pèr èstre "tounico e estimulanto" pèr la digestioun. Ei vertuouso peréu contro la raumido de pèu (eczema).

Port : Erbo
Taio : 5 à 40 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Carlina
Famiho : Asteraceae
Famiho classico : Compositae
Tribu : Cardueae

Coulour de la flour : Blanco
Petalo : >6
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Mountagno mejano - Basso mountagno - Tepiero
Estànci : Subremediterran à Subaupen
Couroulougi : Pancaro entresigna
Ref. sc. : Carlina acaulis L., 1753

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.